Ohar orokorrak

Modu hau aukeratzeko wifia ondo ibiltzea ezinbestekoa da. Wifiak ikasle guztiak batera hartuko ez balitu, beste aukera bat bilatu beharko litzateke.

Aurten dugun egoera dela eta, onartu egingo dugu Ebaluazio Diagnostikoa egitea Chromebookekin eta kiosko modua erabili gabe. Hala ere, gure gomendioa beti izango da kiosko modua erabiltzea. Modu horrekin, ikasleak ezin du denbora galdu beste gauza batzuk egiten edo beste webgune batzuk bisitatzen eta abar. Gainera, aplikazioa behin konfiguratu beharrean, kiosko modurik gabe, gailu bakoitzean instalatu behar da Ebaluazio Diagnostikoa app-a.

Instalazioa

Aplikazioa instalatzeko Chrome Web Store-ra joko dugu eta han Ebaluazio Diagnostikoa app-a instalatu egingo dugu.

Proba egunean

Ikasle bakoitzari etiketa bat banatuko diogu bere ED kodea eta jaiotza-datarekin.

Ikasleek ED kodea eta jaiotza-data sartuko dute Ebaluazio Diagnostikoa aplikazioan.

Irakasleak proba egiteko kodea esango die, eta ikasleek Proba-Kodea atalean sartuko dute.

Lehenengo proban, irakasleak instrukzioak irakurriko dizkie ikasleei eta amaitzean aurrera jotzeko eskatuko die.

Proba amaitzen dutenean, aplikazioa itxi egingo dute.